القنوات وخطوط الاتجاه
قبل ما تدوّر على أي دخول، لازم تفهم السوق ماشي في أنهي اتجاه. القناة بتوريك نطاق الحركة ومكان السعر جواه، وخط الاتجاه بيوريك العلاقة بين القمم والقيعان.
شوف الحلقة
القناة: ممر ليه حد فوق وحد تحت
تخيّل القناة زي الممر: ليها حد من فوق وحد من تحت، والمساحة اللي بينهم هي القناة. لو الحدين مايلين لفوق، دي قناة صاعدة. ولو مايلين لتحت، دي قناة هابطة.
أول سؤالين تسألهم لنفسك: القناة طالعة ولا نازلة؟ والسعر فين جواها: فوق ولا تحت ولا في النص؟
وخلّي بالك: وصول السعر لحد القناة لوحده مش إشارة دخول. القناة بتحدد مناطق أراقب عندها السعر، لكنها لوحدها مش كفاية عشان أدخل صفقة.
القناة بتوصف الجزء المرسومة عليه بس
القناة دي صاعدة. يبقى الهبوط الكبير اللي قبلها خلص؟
خط الاتجاه: ارسمه بإيدك
القاع مكان السعر نزل ليه وبعدين طلع منه، والقمة العكس. لو عندي قاع وبعده قاع أعلى منه، أقدر أرسم بينهم خط طالع. ولو عندي قمة وبعدها قمة أقل منها، أرسم بينهم خط نازل.
اضغط على نقطتين من الدواير عشان ترسم خط اتجاه.
ولما تقارن السعر بالخط، بص على مكان الخط تحت الشمعة الحالية نفسها، مش على نهاية الخط البعيدة. الجزء الممتد ده مجرد امتداد للميل، مش توقع إن السعر لازم يمشي عليه.
الخط بيظهر متأخر
الخط مش بيظهر لحظة ما القاع يتكوّن. المؤشر بيستنى شموع بعده عشان يتأكد إنه قاع فعلًا، فالخط بييجي متأخر شوية، وده طبيعي. حرّك الشموع وشوف:
ووجود السعر فوق الخط لوحده مش أمر شراء، ونزوله تحته لوحده مش كفاية عشان أقول إن الاتجاه كله اتغيّر.
اختبر نفسك
الشارتات في الدرس ده أمثلة تعليمية مش أسعار حقيقية، ومش إشارة لأي صفقة. التداول فيه مخاطرة، والقرار قرارك.