جمّع الخطة: من التحليل للصفقة
الشارت مفتوح قدامك والسعر بيتحرك، وانت مش عارف تبدأ منين. في الدرس ده هتجمّع اللي اتعلمته في ترتيب واحد: تفهم الحركة، وتحدد المنطقة، وتعرف تستنى إيه قبل الدخول، وفين الستوب والهدف. ولو الشروط ما اكتملتش، يبقى مفيش دخول.
شوف الحلقة
ابني الخطة خطوة بخطوة
في المثال ده هنستخدم 4 أدوات بس: القنوات، والـ Smart Money، والـ FVG، والبلوكات. مش لازم تشغّل كل الأدوات في كل مرة.
- ✓الشرط الأول: قناة هابطة + CHoCH لتحت
- ✓الشرط التاني: منطقة FVG أستنى السعر يرجعلها
- ✓الشرط التالت: بلوك فوقها مرجع للستوب
إيه اللي ممكن يحصل بعد كده؟
نفس الخطة بالظبط، بتلات نهايات مختلفة:
حجم الصفقة
حجم الصفقة بيتحدد حسب المبلغ اللي تقبل تخسره لو الستوب اتضرب، مش حسب كبر المساحة الخضرا على الشارت.
مسافة الستوب من الخطة:
قبل أي دخول
- هدخل فين؟
- امتى الفكرة تبقى غلط؟ (الستوب)
- هدفي فين؟ وفيه مناطق في الطريق ممكن السعر يتفاعل معاها؟
- لو السعر ماجاش للمكان اللي مستنيه، يبقى مفيش دخول.
دي طريقتي أنا في ترتيب التحليل. المؤشر نفسه مش بيجمعهم لوحده، ولا بيطلّع إشارة بيع جاهزة. ومثال واحد بيشرح الفكرة لكنه مش كفاية عشان تحكم على النتايج، فراجع أمثلة أكتر، اللي نجح واللي خسر، مع حساب تكاليف التنفيذ.
اختبر نفسك
الشارتات في الدرس ده أمثلة تعليمية مش أسعار حقيقية، ومش إشارة لأي صفقة. التداول فيه مخاطرة، والقرار قرارك.