اللوت والسبريد والرافعة ببساطة

اللوت هو حجم صفقتك. في الذهب، عند أغلب الشركات 1 لوت = 100 أونصة. يعني كل ما الذهب يتحرك 1$، صفقة 1 لوت بتكسب أو بتخسر 100$.

أصغر لوت هو 0.01، ومعاه كل 1$ حركة في الذهب = 1$ في حسابك.

الشركة بتعرض سعرين: سعر البيع (Bid) وسعر الشراء (Ask). الفرق بينهم اسمه السبريد. أول ما تفتح صفقة، بتبدأ بخسارة صغيرة قد السبريد.

الرافعة بتحدد الشركة هتحجز كام من حسابك عشان تفتح الصفقة (الهامش). كل ما الرافعة تكبر، الهامش المحجوز يقل.

المهم: الرافعة مش بتغيّر ربحك أو خسارتك لكل دولار حركة. اللي بيغيّرهم هو حجم اللوت.

القاعدة: متخاطرش بأكتر من 1% من حسابك في الصفقة الواحدة. يعني لو حسابك 100$، أقصى خسارة في الصفقة 1$.

حجم اللوت بيتحسب من حاجتين: المبلغ اللي هتخاطر بيه، والمسافة لحد الستوب.