هيكل السوق: القمم والقيعان والاتجاه
الهيكل السعري هو العمود الفقري لأي تحليل. هو اللي بيقولك السوق ماشي فين، والاتجاه قوي ولا ضعيف، وفيه تغيير جاي ولا لأ. في الدرس ده هتتعلم تقرا الاتجاه من القمم والقيعان من غير ولا مؤشر.
شوف الحلقة الأول
الاتجاه = سلسلة قمم وقيعان
الاتجاه مش مجرد إن السعر بيطلع أو بينزل. الاتجاه هو سلسلة متصلة من القمم والقيعان، ودي اللغة اللي السوق بيتكلم بيها.
تمرين: سمّي كل نقطة
النقطة المتعلّمة على الشارت قمة ولا قاع؟ وأعلى ولا أقل من اللي قبلها؟ اختار الاسم الصح.
تصحيح ولا تغيير اتجاه؟
في الاتجاه الصاعد، السعر بيصحح ويعمل قاع أعلى من اللي قبله (HL). طول ما القاع ده ماتكسرش، ده تصحيح طبيعي.
لو السعر كسر الـ HL، ده مش تصحيح. دي أول إشارة إن الاتجاه بيتحول من صاعد لهابط. ونفس الكلام بالعكس في الهابط: لو السعر كسر الـ LH، السوق بيبدأ يغيّر اتجاهه.
الحركة الأخيرة دي تصحيح ولا أول إشارة تغيير؟
مش كل كسر معناه إن الاتجاه اتغير. ممكن يكون فخ أو حركة مؤقتة عشان المؤسسات تجمّع أو تصرّف. عشان كده دايمًا بنبص على السياق، وده اللي هنكمّله في الدروس الجاية.
درّب عينك
افتح شارت على فريم الساعة لأي أصل، ذهب أو عملة أو سهم، واسأل نفسك:
- السعر دلوقتي فين؟ وفين آخر قمة وآخر قاع؟
- السعر بيكسر القمم ولا بيكسر القيعان؟
- القمم بتعلى ولا القيعان بتقل؟
من الإجابات دي هتعرف السوق صاعد ولا هابط ولا عرضي. وكل ما تكرر التمرين، عينك هتشتغل لوحدها من غير مؤشرات.
اختبر نفسك
الشارتات في الدرس ده أمثلة تعليمية مش أسعار حقيقية، ومش إشارة لأي صفقة. التداول فيه مخاطرة، والقرار قرارك.