الفجوة السعرية FVG
الـ FVG (Fair Value Gap) منطقة بتتحدد من 3 شموع ورا بعض. في الدرس ده هتعرف تحددها بنفسك، وتعرف تستفيد منها إزاي، وإيه اللي متقولهوش.
شوف الحلقة
3 شموع ومسافة بينهم
في الصعود: لو أوطى نقطة في الشمعة التالتة أعلى من أعلى نقطة في الشمعة الأولى، يبقى فيه مسافة بينهم. المسافة دي هي الـ FVG.
في الهبوط: العكس بالظبط. لو أعلى نقطة في التالتة أوطى من أوطى نقطة في الأولى.
خلّي بالك: المقارنة بتشمل الذيول، مش أجسام الشموع بس. والمسافة دي مش معناها إن السعر ماتحركش فيها، الشمعة اللي في النص عدّت منها.
تمرين: فين الـ FVG؟
فيه FVG واحدة بس في الشارت ده. اضغط على الشمعة اللي في النص بتاعتها.
أستفيد منها إزاي؟
بحدد مكانها، ولو السعر رجع ليها براقب هيتصرف إزاي. بس السعر مش لازم يرجع لكل منطقة، ولو رجع مش لازم يرتد منها. شوف التلات احتمالات:
والأهم: إحنا بنشوف النتيجة بعد ما حصلت. وقت ما السعر لمس المنطقة ماكناش نعرف هيعمل إيه. ولو السعر بعيد عن المنطقة، وجودها مش معناه إني أشتري أو أبيع عشان «لازم يرجع ليها». أنا بس محدد أماكن أراجع عندها حركة السعر لو وصل ليها.
لو بتستخدم المؤشر
الخط اللي في النص بيوريك منتصف المنطقة، لكنه مش إشارة دخول لوحده.
الرقم اللي جوه المنطقة تقدير للحجم محسوب من مجموعة شموع. مش حجم التداول جوه المستطيل نفسه، ومش قياس مباشر لشراء وبيع المؤسسات.
اختبر نفسك
الشارتات في الدرس ده أمثلة تعليمية مش أسعار حقيقية، ومش إشارة لأي صفقة. التداول فيه مخاطرة، والقرار قرارك.